سُرهي سيج:

سُهاڳِڻ سُمهي ته مَهڪي سيجَ

مَٿي ۾ سُرها تيلَ ڦُليل

ڇَڻيِ پِيس چوٽيءَ مان رابيل

ڪَئيِ جو تِنِ سان هَٿِڙَن هيجَ

سُهاڳِڻ سُمهي ته مَهڪي سيجَ

جنس جي بلندي:

جَھڙون سَڀُ وِهه جوُن جھُري وَڃَن

ڪَنَن ۾ گھول ٻَه اَمرَت ٻول،

دِلين جا ڀيدَ، ڀَرَمَ ۽ ڀولَ

سندءِ ڀاڪُرَ ۾ ڀُري وَڃن

جَھڙون سَڀُ وِهه جوُن جھُري وَڃَن

اُها کِنَ:

بَدَنُ هو ڀاڪُر ۾ يا روُح؟

چُميا ٿي چَپَ موُن يا سُرهاڻ؟

هُئاسين تَرسيل اُن کِنَ ڪاڻ

نه جَنهِن کي راتِ ڇُهي نه صُبوح

بَدَنُ هو ڀاڪُر ۾ يا روُح؟