موُن کي ڪَنهن ٿي کيِرُ پيِئارِيو،

پِيارَ مَنجهان ٿي گودِ وِهاريو،

خوشِ ٿي هَر هَر موُن ڏي نِهارِيو،

مُنهِنجيِ اَمَڙِ، مُنهِنجيِ اَمَڙِ.

نِنڊَ ڦِٽيِ جي مُنهِنجيِ پيئيِ،

ڪَنهِن ٿي سُمهاريو لوليِ ڏيئيِ،

ڇَڏي نَه موُنکي ڪيڏانهُن ويئيِ،

مُنهِنجيِ اَمَڙِ، مُنهِنجيِ اَمَڙِ.

وَڌيِ جَڏهن مان وَڏو ٿيِندُسِ،

سُکَ سَوين مان توکي ڏيِندُسِ،

توتي پَنهِنجو ساهُه ڇڏيِندُسِ،

مُنهِنجيِ اَمَڙِ، مُنهِنجيِ اَمَڙِ.