آءُ ڀاڪُرُ هاڻ پايوُن، يار يَڪدِل! اَلوِداع

يادِ رَهنديوُن تُنهِنجوُن جايوُن، يار يَڪدِل! اَلوِداع.

زِندگي توکان سواءِ گُذري ته مُشڪل گُذرَندي

موت سان رَهَنديوُن لَڙايون، يار يَڪدِل! اَلوِداع.

موڪلائِڻ دَم دُعا ڪَهِڙيِ ڪَري ڪَهِڙيِ ڪَريان

سَڀُ ٿِيَن تُنهِنجوُن سَڻايوُن، يار يَڪدِل! اَلوِداع.

يادِ رَهَندو وَصلُ تُنهِنجو، پِيارُ مُنهِنجو بي حِساب ،

دِلِ اُٿاريِنديوُن ڀَلايون، يار يَڪدِل! اَلوِداع.

ٿو اَچي دَريا ٿي پائِڻَ، هِجِر جي غَمَ جو خيالُ،

روئيِ دِلِ ڪَهِڙيِ دُکايوُن، يار يَڪدِل! اَلوِداع.

ڪيِنَ دوُريءَ ۾ وِسارِج خَط ڪِتابَت کان عَزيِز

ساري هَرَ هَرَ ڪَجِ سَچايوُن، يار يَڪدِل! اَلوِداع.